قال المطرب عدوية شعبان عبد الرحيم، إن رضا البحراوي طلب منه غناء أغنية “صغير أنا”، في الأفراح وبعدها عرض عليه غنائها سوياً، لكن رضا البحراوي رفض.
وتابع عدوية شعبان عبد الرحيم، خلال مداخلة هاتفية مع الإعلامية نهال طايل في برنامج “تفاصيل”، المذاع على قناة “صدى البلد 2″، أن أغنية “صغير أنا” من لحن والده، وطلب من رضا البحراوي أن يغنيها معه ولكنه رفض فأقترح عليه الأخير المشاركة في أغنية أخرى.
وأشار عدوية، إلى أنه مستاء للغاية من رد فعل “البحراوي”، مردفا: “بدعي عليه كل شوية وأنا زعلان إني بعمل كده.. هو أنا علشان أبويا مات أبقى ملطشة المطربين ولا علشان هو حاسس إنه كبير في النجومية واتشهر بسرعة يترسم عليا، ويتنطط عليا كل شوية”.
واختتم عدوية حديثه موجها رسالة للمطرب رضا البحراوي: “أنا عملت معاك واجب لما طلبت مني تغني الأغنية قولتلك ماشي، يبقى لما أقولك تعالى نغنيها تقولي حاضر، حتى لو مش علشاني يبقى علشان خاطر أبويا شعبان عبد الرحيم اللي وقف مع مطربين مصر كلهم”.
