رفض الإعلامي عمرو أديب، الرد الذي أثير مؤخرا مع إعلان الحكومة أنها تدرس الانتقال من تقديم الدعم السلعي إلى نقدي، والذي زعم أن المواطن قد يشتري بالأموال مخدرات.
وقال خلال برنامجه «الحكاية» عبر شاشة «mbc مصر»، مساء السبت: «إنتو ليه ماسكين على موضوع المخدرات.. كل واحد يقولي مش عاوزين ندي فلوس للناس علشان ميشتروش مخدرات.. هو إحنا فاتحين غُرزة».
وأضاف: «الجملة دي بقت كلمة شهيرة في الأيام اللي فاتت.. حرام تتكلموا عن المصريين كده.. كل واحد يقول أصل هياخدوا فلوس يشتروا بها سيجارة مخدرات.. هي الناس لاقية تاكل علشان تشتري مخدرات».
وتابع: «المواطن لو عاوز يشتري مخدرات ممكن برضه يروخ ياخد الزيت والسكر ويبيعهم ويشتري مخدرات.. طاب ما كده تبقى هي هي».
يُشار إلى أن الحكومة طرحت فكرة التحول من دعم سلعي إلى نقدي للحوار المجتمعي خلال الفترة المقبلة.
