علق الإعلامي عمرو أديب، على الفيديو الذي نشرته الدكتورة وسام شعيب، طبيبة النساء والولادة بمستشفى كفر الدوار، عبر حسابها على فيسبوك، وتحدثت فيه عن حالات حمل ناتجة عن علاقات غير شرعية لفتيات صغيرات.
وكتب في تدوينة عبر صفحته الرسمية بمنصة «إكس»، اليوم الثلاثاء: «فجأة صحي مصريين جوه وبره على حقيقة جديدة عندهم ليها إحصائيات غير رقمية، قايمة كلها على إني مرة شفت عيال مشردة في الشارع أو شفت فيديو لواحدة بترمي عيل قدام جامع، وهؤلاء كلهم بينصحونا إننا لازم نواجه حالة الانحلال والحرام اللي عايش فيها المجتمع المصري السافل».
وأضاف: «حتى عيالك فيهم شك، ومراتك احتمال تكون رقاصة بليل وأنت متعرفش. كلهم كانوا عارفين بس محدش عايز يجرح مشاعرنا، وفجأة فيه متخصصين ياما في علم الأجناس شافوا أهوال وقاذورات المجتمع المصري».
واستنكر: «هو فيه حد يعمل في بلده كده! ده لو موساد يا أخى وعايز يولع في البلد مش هيعمل كده.. لا أتحدث عن حالة أو حالتين، بص على الميديا وهتلقى حالة غريبة. للأسف هي مش مؤامرة هي أسوأ من كده بكتير، هي حالة توحش وجهل، وربنا ياخد الترند وأم الترند».
وواصل: «تخيل حاسس إنه من قبيل العته انى أأكد لك إن دي بلد نضيفة فيها الطيب والرديء، زي أي بلد في العالم، بس فيها كمان اللي عايز يكرهك في عيشتك ومش بيرحم حياتك الصعبة. نحن نعيش حالة الاستربتيز الاجتماعي.. البقاء للأقذر على الميديا.. السباق الآن لمن يملك حكاية أسخن وأبشع. ولعوا فيها بس محدش يزعل بقى لما حد يعايرك ويقلل من وجودك، إحنا اللى بنرخص بلدنا».
وتستعد نيابة مركز كفر الدوار بمحافظة البحيرة، لبدء التحقيقات مع طبيبة النساء والتوليد وسام شعيب، والتي نشرت مقطع فيديو على حسابها على فيسبوك تتحدث فيها عن حالات حمل ناتجة عن علاقات غير شرعية.
وتسببت هذه التصريحات في جدل واسع علي مواقع التواصل الاجتماعي، حيث تناولت قضايا متعلقة بالوعي الاجتماعي والتربية الجنسية.
وألقت الأجهزة الأمنية بمديرية أمن البحيرة، القبض على الدكتورة وسام شعيب طبيبة النساء والولادة بكفر الدوار، وذلك عقب تداول فيديوهات بثتها الطبيبة عبر حسابها الشخصي على فيسبوك، تحدثت في هذه الفيديوهات عن حالات حمل ناتجة عن علاقات غير شرعية لفتيات، موضحة أنها تهدف إلى توعية الفتيات من خلال مشاركة الحالات التي تواجهها يوميا في عملها.
فجاه صحى مصريين جوه وبره على حقيقه جديده عندهم ليها احصائيات غير رقميه قايمه كلها على انى مره شفت عيال مشرده فى الشارع او شفت فيديو لواحده بترمى عيل قدام جامع وهؤلاء كلهم بينصحونا اننا لازم نواجه حاله الانحلال والحرام اللى عايش فيها المجتمع المصري السافل . حتى عيالك فيهم شك…
— Amr Adib (@Amradib) November 12, 2024
