الإسم؟
يوسف حسام شرف الدين، واسم الشهرة/ يوسف خان.
السن؟
19 سنة.
المستوى التعليمي؟
طالب في الفرقة التانية بكلية العلوم بجامعة الزقازيق.
المحافظة؟
الشرقية.
موهبتي؟
الكتابة الإبداعية.
إمتى اكتشفتها؟
سنة 2017 تقريبًا.
مين دعمك؟
ناس كتير قدمولي دعم نفسي، لكن الشخص اللي كان له نقطة فارقة هو أستاذ اللغة العربية؛ الأستاذ “محمد إبراهيم” بمدرسة الخلفاء الراشدين بمدينة العاشر من رمضان، أكتر شخص كان بيدعمني وبيعرف الناس بيا وبيشجعني أكمل.
أول عمل ليا؟
أول كتاب مجمع شاركت فيه كان كتاب “ويلدا” عبارة عن قصص مجمعة.
وأول مسرحية كانت بعنوان “الثأر”.
واجهت إنتقادات؟
كتير جدًا، ولحد دلوقتي في إنتقادات، لكن الواحد بياخد النقد ده كحافز ليه يقويه يستمر، مش يحبطه ويهده.
واجهتها إزاي؟
إتعلمت منها، كنت بشوف الجزء الناقص دايمًا وأكمله، والنقد الهادم كنت بغض نظري عنه تمامًا.
إنجازاتك؟
-شاركت في كتاب “ويلدا”.
-قائد فريق الكتابة سابقًا بكيان فن شباب العاشر من رمضان.
-مؤسس مبادرة “سرداب” لدعم وتنمية المواهب.
-كتبت ما يزيد عن 700 نص من الخواطر والنصوص والاسكريبتات.
-كتبت 5 مسرحيات
(الثأر، الإدمان، خمسة لقلبك، الموناڤيزا، طبقات)
– كتبت إسكتشين مسرحيين
(العائلة، ملك ملوك الأرض)
– كتبت فيلمين قصيرين
(ملك ملوك الأرض، الإدمان)
تنصح أي موهوب بإيه؟
أنصح أي موهوب بإنه ميستغناش عن موهبته ولا يهملها مهما كان السبب، الموهبة شيء جميل ربنا إداهولنا عشان نستغله ونطلعه للنور، مش عشان نردم عليه وندفنه جوانا.
