حرصت جهاد أحمد، زوجة مطرب المهرجانات عصام صاصا، على الرد بشأن الأنباء المتداولة على مواقع التواصل الاجتماعي بشأن دخول زوجها السجن: “عصام مخدش 7 سنين ومفيش حكم أصلا”.
وأضافت جهاد من خلال خاصية القصص على حسابها الشخصي على “إنستجرام”: “بتقولوا عصام كان شارب إيه وكان شارب إيه، ولحد دلوقتي نتيجة التحليل مظهرتش مكتوب فيها إيه”. وتابعت: “حاسة شوية هتطلعوه إرهابي وسارق فلوس الناس، ولا عشان احنا مش بنرد فانتوا بتقولوا أي كلام عشان محدش هيطلع يكذبكوا”.
واستطردت: “متقلقوش، هانت بس كل واحد عمل فيلم من دماغه ميرجعش يزعل، الحساب يجمع”.
وأوضحت: “عصام مش قادر يطلع يرد من الأذى النفسي اللي هو فيه، قدروا ده وافهموا، هو مش عاجز إن هو يرد، بس مش قادر، مفيش طاقة”.
وأكدت زوجة عصام صاصا، أن لديها جميع الإثباتات التي تشير أن الحادث الذي قام به عصام صاصا، ونتج عنه وفاة شخص هو قتل خطأ، ولديهم ما يثبت ذلك، فضلًا عن وجود شهود على الحادث.
وأوضحت زوجة عصام صاصا: “جوزي تعبان، كل ما يجي يكلم حد يفتكر الموقف وينهار ويعيط، مش لازم يطلع ويقول لكم شوفوا يا جماعة أنا مكسور إزاي، شفتم وأنا متدمر، عيب اللي بتعملوه، ربنا ما يحطكم في اللي هو فيه”.
