أعرب محمد مجدي أفشة، نجم النادي الأهلي عن سعادته الكبيرة بالتتويج بدوري أبطال إفريقيا، معاتبًا عارضة أمان الله مميش، حارس مرمى الترجي التونسي، التي تصدت لتسديدته في الدقيقة 89.
وكان الأهلي قد تُوج ببطولة دوري أبطال إفريقيا، بعد الفوز على الترجي التونسي، بهدف نظيف في مجموع مباراتي ذهاب وإياب الدور النهائي.
وكتب محمد مجدي أفشة عبر حسابه على انستجرام: “مفيش كلام أقوله أكثر من الحمد الله، كرم ربنا ملوش حد، 4 بطولات إفريقيا مع الأهلي”.
وأضاف: “كنت فرحان بأول بطولة وبعد الرابعة لسه بقول فيه تاني، ايه النادي الغريب ده! ايه الجمهور الغريب ده! كل اللي كان في بالي إن يارب الناس دي تروح مبسوطة”.
وتابع: “یا رب الناس جايه من الصبح في الحر والشمس.. يا رب أسر وأطفال وكبار وحالات إنسانية، اللي من مطروح وإسكندريه وأسوان، اللي بايت قدام الاستاد ايه العظمه دي”.
وأكمل: “جمهور الأهلي بيدي طاقة ما تتوصفش، شعورك وانت في ملعب مقفول كأنك طاير في السما، الأهلي نعمة كبيرة جدًا، الأهلي هو التاريخ والمستقبل”.
وأتم محمد مجدي أفشة تصريحاته قائلًا: “شكرًا يا أهلي على السعادة والفرحة.. مبروك يا رجالة.. والله يسامحك يا عارضة”.
