طالب أحمد حسام ميدو، نجم الكرة المصرية والزمالك السابق، مجلس إدارة القلعة البيضاء بسرعة حسم ملف أحمد سيد زيزو سواء بالبقاء أو الرحيل عن الفريق، مؤكدا أن لاعبي الزمالك لن يلعبوا إلا عندما يحصلوا على مستحقاتهم.
قال ميدو عبر حسابه الرسمي على موقع التواصل الاجتماعي «إكس»:” خلاصة حال الزمالك اللاعيبه دي مش هتلعب ١٠٠ ال ١٠٠ إلا لما ياخدوا مستحقاتهم”.
أضاف:” مش هتاخد من اللاعيبه الروح والشراسة والإصرار على المكسب إلا لما ياخدوا مستحقاتهم وبصراحة اللاعيبة دي أكتر لاعيبه استحملت في مصر”.
تابع ميدو:” لكن أنا ماقدرش أحاسب حد مابديلوش حقوقه غير ان موضوع زيزو طول وبوخ وليه تأثير كبير على استقرار الفريق لازم موعد نهائي لنهاية موضوع زيزو إما الرحيل أو البقاء”.
أوضح ميدو:” الزمالك محتاج نمره ٦ جامد بيعرف يحمي قلوب الدفاع ويعرف يغطي الأظهره بشكل جيد لما بيتقدموا مدافعين الزمالك متعريين بلغة الكورة”.
أتم ميدو:” الأولويات التخلص من اللاعيبة اللي بتكلفك فلوس ومش بتستفيد منهم دفع مستحقات اللاعيبة والتعاقد مع مساك جامد ولاعيب نمرة ٦ تقيل عنده خبرة وجناح شمال جامد وأخيرا حسم موقف زيزو في أسرع وقت ممكن”.
