السفير بدر عبدالعاطي عمل ضجة كبيرة على السوشيال ميديا بعد التسريب اللي حصل خلال الساعات اللي فاتت

الناس كلها بدأت تشيد بالسفير بدر عبد العاطي وبموقفه الرافض لأي تجاوز في حق السفارات المصرية في الخارج
بدر عبد العاطي ابن قرية بسيطة في أسيوط اتولد سنة 66
اتعلم في مدارس حكومي طول عمره
دخل كلية سياسة واقتصاد جامعة القاهرة وكان هدفه الوحيد ينجح بامتياز عشان ياخد منحة التفوق والإقامة في المدينة الجامعية
اتخرج بتقدير جيد جدا واشتغل باحث في مركز الأهرام للدراسات السياسية
قدم في وزارة الخارجية ونجح الأول على دفعته من غير واسطة واتعين ملحق دبلوماسي سنة 89
أول نقلة كبيرة في حياته لما اشتغل 4 سنين في سفارتنا في تل أبيب وكان مسئول عن متابعة الشئون الداخلية هناك وعملية السلام
خبرته الكبيرة في الملف ده خلته من أهم المتخصصين في الصراع الفلسطيني الإسرائيلي
اشتغل بعد كده في طوكيو وواشنطن وألمانيا والاتحاد الأوروبي وحلف الناتو
مسك ملفات مهمة زي إيران والتنسيق مع الكونجرس وكان مدير لشئون فلسطين في الخارجية
الإخوان شنو حملات ضده عشان أعلن دعمه لثورة 30 يونيو وكان اسمه في قايمة الاعتقالات لو الثورة فشلت
رغم كل ده فضل واحد من أقوى سفراء مصر وواحد من أعمدة الدبلوماسية المصرية
على المستوى الشخصي متجوز وعنده 3 أولاد ومر بمحن صعبة زي وفاة أمه وأخوه