غادة عبد الرازق: الجمهور بيحبني في دور الانتقام.. والفن في مصر «مش بقوة زمان» | فيديو

تحدثت الفنانة غادة عبد الرازق، عن اختيار مخرج الدور لها في شخصيات المرأة القوية خلال الأعمال الفنية، مشيرة إلي أن الجمهور يحب دور الانتقام الذي تقدمه، مما يجعل المخرجون يحرصون على تقديمها بصور مختلفة.

تصريحات غادة عبد الرازق

وقالت غادة عبد الرازق، خلال لقائها مع برنامج «صباح العربية»:« المخرجين يطلبوني دايمًا لأن شخصيتي قوية، والناس شايفة أن البطلة الشعبية اللي بتاخد حق الستات وبتقويهم ومحدش يقدر يقف قدامها، والناس حابة مني ده، والمخرجين دايمًا عايزين غادة القوية، بيقدموا ده في أشكال مختلفة».

وتابعت عبد الرازق: «القوة مش معناها أن البني آدم ميبقاش طيب، القوة حلوة عشان لما تقع تقف تاني، أو انفصلت في ناس بتدمر القوة أن أقف على رجلي تاني، مش لازم أبقى ست مفترية، والرجالة هما اللي بيقولوا على المرأة القوية أنها متسلطة، ولو ستات قالوا كده يبقوا عايزين يبقوا أقوياء ومش عارفين ولا عارفين ياخدوا حقهم».

وعن رأيها في الحالة الفنية المصرية في الوقت الحالي، فعلقت غادة عبد الرازق: الصحة الفنية المصرية للأسف مبقتش بالقوة بتاعة زمان، النصوص بقت ضعيفة والمؤلفين يستسهلوا أو يفصلوا على مقاس النجم

آخر اعمال غادة عبد الرازق

ونافست الفنانة غادة عبد الرازق في موسم رمضان 2024، بمسلسل صيد العقارب بجانب نخبة من نجوم الفن، والذي لاقي نجاح كبيرا أثناء عرضه على قنوات cbc.

تدور أحداث مسلسل صيد العقارب، حول شخصية الدكتورة عايدة، التي تجسد شخصيتها الفنانة غادة عبد الرازق، وهي امرأة تعمل في مجال استخلاص السموم من العقارب، وتواجه عايدة بطلة مسلسل صيد العقارب، سيدة أعمال ناجحة في مجال الأعمال التجارية، وتتعرض لأزمة مالية كبيرة، تدفعها إلى الدخول في صراع مع مجموعة من رجال الأعمال.