تنمية الموارد للتعليم
المدارس كنز الموارد
المشروع الثالت
( دعاية وإعلان )
أتفقنا إن عندنا 104 الف سطح مدرسي غطيناهم بالخلايا الشمسية للطاقة النظيفة
ممكن كمان نستغل أسطح المدارس مرة ثانية في زيادة تنمية الموارد الاقتصادية للتعليم
، لو في كل سطح خططنا ممر بين الألواح الشمسية اللي عملناها،
في الممر دا نعمل اربع عمدان حديد عليهم اعلان مضيئ بشرط يبقي حاجة تليق بالوزارة،
ويتكتب كدا في العقد شرط اساسي مع الشركة المعلنه،
ومزاد كبير بين شركات المحمول اللي بين كل اعلان واعلان في التليفيزيون بيعملوا اعلان ،
هيخطفوهم يبقي 104 الف اعلان لو كل اعلان جاب 5000 جنيه في الشهر هتبقي الحسبة 104000*5000*12
دخلت في 6.3 مليار جنيه تقريبا في السنة
ونشرط علي الشركة المعلنة انها تعرض بين كل اعلان والتاني حكمة في الحياة، او صورة ومعلومة لرمز من رموز مصر، او مبادرة من مبادرات الدولة، حاجة كدا تكسر جمود الاعلان وتوصل رسالة لها قيمة لاولادنا
يبقي استفدنا ووصلنا رسالة
دا احنا حتي من قيمة الاعلانات دي لو قدرنا نوفر قيمة الانترنت والتليفون للمدرسة نبقي احنا الكسبانين
ونبقي كدا من اسطح المدارس وفرنا الكهرباء للإضاءة وغيرها ووفرنا اشتراك الانترنت ووفرنا اشتراك التليفون
وبكدا نكون وفرنا مصادر تمويل ذاتية
وحافظنا علي البيئة واضفنا نواحي جمالية وصحية يعني طبقنا كل إجراءات التنمية الخضراء المستدامة
تحياتي واحترامي وتقديري
