شنت الفنانة سمية الخشاب، هجومًا على الفنان رامز جلال؛ بسبب المشكلات الصحية التي تعرضت لها، جراء مشاركتها ببرنامج المقالب «رامز جاب من الآخر»، والمذاع على مدار شهر رمضان عبر شاشة «MBC».
وقالت خلال لقاء لبرنامج «تفاعلكم»، المذاع عبر فضائية «العربية»، صباح الأربعاء، إن الحلقة حُذف منها العديد من الأجزاء التي كانت تشكو فيها من الألم في قدمها وكتفها، منوهة أن السقوط خلال البرنامج كان قويًا.
وأضافت: «قاصص كتير منها عشان ميبانش إني اتصابت، في ناس كتير اتصابت واتعورت، أنا عندي تمزق في الأربطة في رجلي، وتمزق في الأربطة في كتفي، ولحد دلوقتي مش عارفة أحرك إيدي بارتياح وأرجعها لورا».
ونوهت أنها تعاني العديد من المشكلات الصحية الآن بسبب البرنامج، معقبة: «اللي يزعل إن ولا حد منهم كجهة إنتاج أو هو نفسه يتصل بالناس ويقول سلامتكم أو أنا آسف، هو إحنا في غابة يا جماعة! مش مهم الناس يحصل لها إيه مش مهم أأذي الناس، المهم أطلع وأنور والناس تشوفني وأعمل نسب مشاهدة عالية، أنا وبعدي الطوفان مصلحتي والباقي يتحرق!».
ووصفت ما حدث في البرنامج بـ«المهزلة التي لا يمكن السكوت عنها»، مضيفة: «يعني إيه برنامج مقالب؟؟ مانا عملتها معاه 4 سنين قبل كده ومحصليش حاجة، بس كنت ببقا عارفة اللي بيحصل، لكن المرة دي لا متقالش عشان في تعمد للأذية»، بحسب تعبيرها.
