(كتبت منة عرفه) (حوار صحفي مع الشاعر/ محمد كمال)

الشاعر/ محمد كمال.
البالغ من العمر سبعة عشرة عاما
★متى ظهرت الموهبة؟
ظهرت من وأنا عندي ١٠ سنين، بدأت بالشعر الفصحي، وفي ٢٠١٧ كتبت أول قصيدة ليا عامية بعنوان “مستني مين” من وقتها وأنا بكتب عامي.
★من إكتشفها؟
كنت بكتب في روم رباعيات شعر من هنا اكتشفت نفسي، وكتبت قصيدة “مستني مين” وكانت من أحسن كتباتي حقيقي ونالت إعجاب ناس كتير.
★كيف نميتها؟
قرأت دواوين كتير، سمعت مزيكا، قرأت كتب، وسمعت أفلام قديمة، وبردو الحاجه اللي إستفدت منها جداً اني كنت بقرأ دواوين كتير عرفت من خلالها إزاي اعرف اظبط القافية والوزن بتاع القصيدة.
★من دعمك؟
والدي دعمني وكان واقف جمبي في كل حاجه.
★من كاتبك المفضل؟
مليش كاتب مفضل حقيقي بس اللي ممكن أكون اتعلمت منه جبران خليل جبران.
★كيف تعاملت مع الإنتقادات السلبية؟
تجاهلتها لأنه هدفها إني أفشل وانا إنسان ميعرفش معني الفشل.
★ما هي إنجازاتك؟
إنجازاتي الكيان اللي أسسته، حقيقي من أحسن إنجازاتي وفخور بكوني واحد من مؤسسة بنت الحجاز السعودية، للشاعرة “دلال كمال راضي” ده شرف كبير.
وطبعًا شاركت في ٨ حفلات كضيف شرف وده إنجاز كبير بردو.
★بماذا تنصح اي كاتب/ة أو شاعر/ة مبتدئ/ة؟
أنصحهم انهم يكملوا في حلمهم، إياكم تستسلموا مهما حصل، لو الدنيا كلها وقعتكم قوموا وعافروا، ولو الصفحة الي بدأت منها باظت اقطعها وكمل، مش عشانك بس عشان الناس الي مستنيين نجاحك في يوم من الايام.