السيسى : زيادة عدد الغارمات رغم مبادرة الدولة

وقال السيسي: «كنا إتكلمنا عن موضوع الغارمات قبل ذلك، على أمل أن ينتهى، ولكن العدد بيزيد على الرغم من مبادرات الدولة التي تستهدف الأسر المحتاجة».

السيسي عن تكاليف الزواج في الريف: «ليه 2 ثلاجة و10 بطاطين.. الأمر عادة غير طيبة»

وتابع: «الموضوع ده لاقيته موجود في الريف أكثر، وكان محور مناقشتنا مع وزيرة التضامن منذ أيام الدكتورة غادة والي، وحالياً مع الوزيرة نيفين».

وأكمل: «موضوع الغارمات محتاجين نفكر فيه شوية موجود في الريف، وفوجئت بما يحدث فأرغب في الحديث عنه فمن الممكن أن يكون قوة دفع للإعلام والمؤسسات الدينية، في تغيير الأمر»، وتابع: «فوجئت بأهلنا في الريف بيجيبوا 2 تليفزيون 2 ثلاجة و10 بطاطين طب ليه؟! طب 2 غسالة ليه، معروف في الريف إن ده عيب أن يقل الجهاز بالشكل ده، وإحنا عايزين الأسر تقوم بالواجب مع بناتها لكن ياريت نفكر إن ده مش عادة طيبة، ربنا مقالش نعمل كده حتى لو كان معايا أعمل ده ليه؟».